ஈரோடு மாவட்டம் விஜயமங்கலம் ஆர்.எஸ். சொந்த ஊர். 1990-களிலிருந்து சிற்றிதழ்களில் எழுதிவருபவர். ‘நடுகல்’ சிற்றிதழின் ஆசிரியர். ‘கள்ளி’, ‘சாந்தாமணியும் இன்ன பிற காதல் கதைகளும்’, ‘எட்றா வண்டியெ’, ‘மங்கலத்து தேவதைகள்’, ‘நாயுருவி’, ‘மரப்பல்லி’ உள்ளிட்ட நாவல்களும், 10 சிறுகதைத் தொகுப்புகளும், மூன்று கவிதைத் தொகுப்புகளும், குழந்தைகளுக்கான குறுநாவல்களும் வெளிவந்துள்ளன. சிற்றிதழ்களில் எழுதத் தொடங்கிய இவர், இதுவரை 250-க்கும் மேற்பட்ட சிறுகதைகள் எழுதியுள்ளார். கடந்த பன்னிரண்டு வருடங்களாக ‘குமுதம்’, ‘குங்குமம்’, ‘ஆனந்த விகடன்’, ‘அந்திமழை’ போன்ற வெகுஜன இதழ்களிலும் கதைகள் எழுதிவருகிறார்.