சீர்காழியில் பிறந்த ஆர்.சுமதி, 1994 முதல் எழுதிவருகிறார். தற்போது, மஹாராஷ்டிராவிலுள்ள ஆவார்பூரில் வசித்துவருகிறார். இதுவரை 200-க்கும் மேற்பட்டநாவல்கள், சிறுகதைகள் எழுதியிருக்கிறார். தமிழ், வரலாறு இரண்டிலும் எம்ஏ பட்டம் பெற்றுள்ள இவர், ஓவிய ஆசிரியராகப் பணியாற்றுகிறார். ‘கண்மணி’ நாவல் போட்டியில் 1995-ல் இரண்டாம் பரிசு பெற்றிருக்கிறார்.இவரது நாவல்களை அடிப்படையாக வைத்து, திருச்சியைச் சேர்ந்த மாணவி ஒருவர் எம்ஃபில் படிப்பில் ஆய்வு செய்திருக்கிறார்.