டி.சுரேஷ், ஏ.என்.பாலகிருஷ்ணன் இருவரும் தங்களுடைய முதல் எழுத்தைச் சேர்த்து சூடிக்கொண்ட பெயர் சுபா. துப்பறியும் நாவல்கள், சிறுகதைகள், திரைக்கதை, வசனம் என இவர்கள் களமிறங்கிய ஒவ்வொரு துறையிலும் தடம் பதித்தவர்கள். இவ்விரு நண்பர்களும் கல்லூரிக் காலத்திலிருந்து சேர்ந்து எழுதிவருகின்றனர். 450-க்கும் மேற்பட்ட நாவல்களையும், 400-க்கும் மேற்பட்ட சிறுகதைகளையும், 100-க்கும் மேற்பட்ட திரைக்கதைகளையும் எழுதியிருக்கிறார்கள். ‘கனா கண்டேன்’, ‘அயன்’ ஆகிய திரைப்படங்கள், சுபாவின் நாவல்களைத் தழுவியவை. இவர்களின் பெரும்பாலான நாவல்களில் ஈகிள் ஐ டிடெக்டிவ் ஏஜென்சியின் நரேந்திரன், வைஜயந்தி கதாபாத்திரங்கள் முதன்மைப்படுத்தப்பட்டிருக்கும். ஜான் சுந்தர், செல்வா, முருகேசன் ஆகியவையும் இவர்கள் உருவாக்கிய முக்கியப் கதாபாத்திரங்கள்.