வங்கியில் இருந்து விருப்ப ஓய்வு பெற்று இருக்கிறேன். வாசிப்பதன் மூலம் வாழ்க்கையை நேசித்துக் கொண்டிருக்கும் அன்பு வாசகர்கள் ஆதரவில் தொடர்ந்து எழுதிக் கொண்டிருக்கிறேன். முன்னணி தமிழ் பத்திரிகைகளில் சிறுகதைகள் நாவல்கள் கட்டுரைகள் என்று எழுதினாலும் இணைய எழுத்து என்கிற முற்றிலும் புதிய தளத்தில் இப்போதுதான் சிறுமி போல நுழைந்து இருக்கிறேன். சுவாரசியமாக இருக்கிறது. துருதுருவென்று இளைஞர் படை எந்த விஷயத்தையும் எளிதில் கையாள்வதைப் பார்க்க வியப்பாக இருக்கிறது. அவர்களுடன் புன்னகைத்தபடி விறுவிறுப்பாக சேர்ந்து நடக்க மனம் விழைகிறது. இந்த என் புதிய நாவலில் வரும் அனுஷாவும் செல்வகுமாரும் அந்த இளைய தலைமுறை பிரதிநிதிகள் தான். வாசியுங்கள். விமர்சனங்களுக்காகக் காத்திருக்கிறேன். சந்திக்கலாம்.