விந்தன் என்று அறியப்படும் கோவிந்தன், காஞ்சிபுரம் மாவட்டத்திலுள்ள நாவலூரில் பிறந்தவர். சென்னை சூளைப் பகுதியில், ஆரம்பக் கல்வி கற்றார். ஓவியக் கல்லூரியில் சேர்ந்து சில ஆண்டுகள் ஓவியம் பயின்றார். ‘கல்கி’ இதழ், விந்தன் வாழ்க்கையில் புதிய திருப்பத்தை ஏற்படுத்தியது. ‘கல்கி’யின் துணை ஆசிரியராகச் சேர்ந்த விந்தன், ‘விஜி’ என்ற பெயரில் குழந்தைகளுக்குக் கதைகள் எழுதினார். விஜி என்ற பெயரை ‘விந்தன்’ என்று மாற்றிக்கொள்ளச் சொன்னவர் ‘கல்கி’ கிருஷ்ணமூர்த்திதான். சினிமா, பதிப்பகம், இதழியல் என வெவ்வேறு துறைகளில் ஆர்வமுடன் செயல்பட்டார். 1975 ஜூன் 30-ஆம் தேதி காலமானார்.