ஒரு காலத்தில் புகழுடன் விளங்கிய சோழப் பேரரசு, பல்லவர்களுக்கு அடிமை நாடாகிப் போனது. பல்லவர்களுக்குக் கப்பம் கட்டும் சுதந்திரம் அற்ற ஒரு குறுநில அரசானது. சோழ அரசனான பார்த்திபன் தனது மகனான விக்கிரமனிடம் சோழ அரசு மீளவும், தனது இழந்த புகழைப் பெறவேண்டும் என்றும் அறிவூட்டுகிறான். பல்லவ மன்னனான நரசிம்மவர்மனுக்குக் கப்பம் கட்ட மறுக்கும் பார்த்திபன், பல்லவ மன்னனை வீரத்துடன் எதிர்த்து மரணம் அடைகின்றான். இதன் பின்னர், சோழ நாடு பல்லவரிடம் இருந்து எவ்வாறு சுதந்திரம் பெற்றது என்பதைக் கதை சொல்கிறது. கதையின் பெரும் பகுதி சோழ இளவரசனான விக்கிரமன், படகோட்டி பொன்னன், பொன்னனின் மனைவி வள்ளி, சோழ சேனாதிபதி மாரப்ப பூபதி போன்றோரைச் சுற்றி நிகழ்கின்றது.