புனைவு, அபுனைவு, கவிதை வெளிகளில் கடந்த 15 ஆண்டுகளாக இயங்கிவரும் சி.சரவணகார்த்திகேயன், இதுவரை 25 அச்சு மற்றும் மின் புத்தகங்களை எழுதியிருக்கிறார். ‘கன்னித்தீவு’, ‘ஆப்பிளுக்கு முன்’ இவரது நாவல்கள்; ‘69’, ‘கிருமி’, ‘மியாவ்’, ‘இறுதி இரவு’ இவரது சிறுகதைத் தொகுப்புகள்; ‘96: தனிப்பெருங்காதல்’, ‘இந்தி தேசிய மொழியா?’ அபுனைவு நூல்கள். 2009-ல் இவரது முதல் நூல் ‘சந்திரயான்’ தமிழக அரசின் சிறந்த நூலுக்கான பரிசு பெற்றது. 2017-ல் ‘உயிர்மை’ வழங்கும் சுஜாதா விருது (இணையம்) பெற்றார். 2019-ல் ‘ஆப்பிளுக்கு முன்’ நாவலுக்கு திருப்பூர் இலக்கிய விருது கிடைத்தது. ‘தமிழ்’ என்ற மின்னிதழை நடத்துகிறார். ‘குங்குமம்’ இதழில் ‘ச்சீய் பக்கங்கள்’ (2012), ‘ஆகாயம் கனவு அப்துல் கலாம்’ (2015) ஆகிய தொடர்களை எழுதினார். திரைப்படங்களுக்கும் எழுதியிருக்கிறார். இவரது ‘மதுமிதா - சில குறிப்புகள்’ குறும்படமானது.