சேலம் மாவட்டத்தில் பிறந்த இந்திரா சௌந்தர்ராஜன், இதுவரை 700 சிறுகதைகள், 340 நாவல்கள், 150 பத்திரிகைத் தொடர்கள் எழுதியிருக்கிறார். இவருடைய ‘என் பெயர் ரங்கநாயகி’, தமிழக அரசின் சிறந்த நாவலுக்கான பரிசைப் பெற்றது. இவரது ‘ருத்ர வீணை’, ‘கிருஷ்ணதாசி’, ‘மர்ம தேசம்’, ‘என் பெயர் ரங்கநாயகி’, ‘சிவமயம்’ உள்ளிட்ட பல நாவல்கள், தொலைக்காட்சித் தொடர்களாக எடுக்கப்பட்டு 4,500 எபிசோட்களையும் தாண்டி ஒலிபரப்பாகி சாதனை படைத்திருக்கின்றன. திரைப்படத் துறையில் கால்பதித்த இவரின் ‘ஸ்ருங்காரம்’ திரைப்படம், மத்திய மாநில அரசுகளின் விருதைப் பெற்றிருக்கிறது. ‘அனந்தபுரத்து வீடு’, ‘தில்லுக்குத் துட்டு’ போன்ற திரைப்படங்களின் வசனகர்த்தாவாகப் பணியாற்றியிருக்கிறார்.