ஜமீன் வாழ்க்கைக்கு ஒப்பான கோட்டை வீட்டுக் குடும்பத்தில் பிறந்தவர் பிரபுவின் ஆயா, ரத்தினம்மாள். தோழி காமாட்சியுடன் நீடித்த நட்பு, கணவர், அன்பான சுற்றம், பெரும் சொத்து என அனைத்தையும் தொலைத்த வேதனையோடு தனது ஒரே மகளின் வீட்டில் வாழ்ந்து வருகிறார். மகளும் பேரக்குழந்தைகளும் அவரை மகிழ்ச்சியாகவே பாதுகாக்கின்றனர். ஆனாலும், ரத்தினம்மாள் ஆயா இரவில் அலறுவது, ஒப்பாரி வைப்பது, கதவை அடித்து உடைத்து வீட்டில் உள்ள எல்லோரையும் பீதியடைய வைத்தார். மருத்துவ சிகிச்சை தொடங்கி மந்திரவாதியை அழைத்து வந்து பேயோட்டுவது வரைக்கும் நடந்தேறியது. எதிலும் அவர் குணமாகவில்லை. பின், என்னதான் காரணம். அதை நோக்கிப் பயணிப்பதுதான் ‘கோட்டை வீடு’ நாவல்.