ஆனந்த விகடன், நாணயம் விகடன், தி ஹிந்து தமிழ் திசை போன்ற பத்திரிகைகளில் கடந்த 10 வருடங்களுக்கும் மேலாக முதலீட்டுத் தொடர்கள் பலவற்றை எழுதி வரும் சொக்கலிங்கம் பழனியப்பன், புதுக்கோட்டை மாவட்டத்தில் உள்ள வேந்தன்பட்டியைச் சேர்ந்தவர். ஜார்கண்ட் - ஜாம்ஷெட்பூரில் உள்ள என்.ஐ.டியில் படித்தவர். பொதுத்துறை நிறுவனமான என்.டி.பி.சி, ஆதித்ய பிர்லா போன்ற நிறுவனங்களிலும் வெளிநாடுகளிலும் பணிபுரிந்தவர். அமெரிக்காவில் எம்பிஏ படித்துவிட்டு, அங்கேயே பணியாற்றியவர். பிறகு, இந்தியாவுக்கு வந்து ஆரம்பித்ததுதான் `ப்ரகலா வெல்த் மேனேஜ்மென்ட் பிரைவேட் லிமிடெட்’ நிறுவனம். இன்று இந்தியா மற்றும் உலகெங்கிலும் உள்ள பல்லாயிரக்கணக்கான முதலீட்டாளர்களுக்கு சேவை செய்துவருகிறது. `நவரத்னா ஹவுஸிங் ஃபைனான்ஸ் லிமிடெட்’ மற்றும் `நவரத்னா ஃபைனான்ஷியஸ் சர்வீஸஸ் லிமிடெட்’ ஆகிய நிறுவனங்களின் மேனேஜிங் டைரக்டராகவும் உள்ளார். ஸ்ரீவாரி நிதி லிமிடெட்டில் டைரக்டராகவும் பணியாற்றி வருகிறார்.