தொ.பரமசிவன் எழுதிய மற்றுமொரு புகழ்பெற்ற புத்தகம் ‘தெய்வங்களும் சமூக மரபுகளும்’. தெய்வ வழிபாட்டோடு சமூகம் கொண்டிருந்த ஊடாட்டத்தை இந்தப் புத்தகத்தில் விவரிக்கிறார். தெய்வ வழிபாட்டைப் பேசும்போது ஒருவகையில் அது தமிழகப் பண்பாட்டைப் பேசுவதாகவும் அமைந்துவிடுகிறது. தெய்வங்கள், சிறுதெய்வ நெறிகள், அடிதொழுதல், பலராம வழிபாடு, அழகர், உடைமையும் ஒழுக்கமும், மாற்று மரபுகளும் தமிழ் வைணவமும், வரலாற்றுப் பார்வையில் ‘பார்ப்பார்’, மதுரைக் கோயிலில் அரிசன ஆலயப் பிரவேசம் ஆகியவை இந்தப் புத்தகத்தின் உள்ளடக்கங்களாகின்றன.