சா.விஸ்வநாதன் என்கிற சாவி, சிறுவயதிலேயே இதழியல் துறையில் நுழைந்தவர். வேலூர் மாவட்டம் ஆற்காடு அருகேயுள்ள மாம்பாக்கம் எனும் சிற்றூரில் பிறந்தவர். கல்கி, ராஜாஜி, காமராஜர், பெரியார் முதலான முக்கியமான பலருடன் நெருங்கிப் பழகும் வாய்ப்பைப் பெற்றவர். ‘கல்கி’, ‘ஆனந்த விகடன்’, ‘குங்குமம்’, ‘தினமணிக் கதிர்’ போன்ற இதழ்களில் பணியாற்றிய பின்னர், ‘சாவி’ என்கிற பெயரில் வார இதழைத் தொடங்கி, பல ஆண்டுகள் வெற்றிகரமாக நடத்தினார். 84-வது வயதில், தன்னுடைய புத்தக வெளியீட்டு விழா மேடையில் பேசிக்கொண்டிருக்கும்போதே மாரடைப்பு ஏற்பட்டு, சில மாதங்கள் நினைவின்றி இருந்து காலமானார்.