தஞ்சாவூர் மாவட்டத்தில் பிறந்த வடுவூர் கே.துரைசாமி, தமிழ் முன்னோடி நாவலாசிரியர்களில் ஒருவர். பி.ஏ. பட்டம் பெற்று தாசில்தாராகப் பணியாற்றிய இவர், எழுதுவதற்காக வேலையைத் துறந்தார். தனது நாவல்களை அச்சிட சொந்தமாக அச்சகம் நடத்தினார். தன் படைப்புகளை வெளியிட ‘மனோரஞ்சனி’ என்ற மாத இதழையும் நடத்தினார். ஐரோப்பிய எழுத்தாளர்களின் படைப்புகளைத் தழுவி, பல தமிழ் நாவல்களை எழுதினார். தமிழில் துப்பறியும் கதைகள் எழுதிய முன்னோடி எழுத்தாளர்களுள் இவரும் ஒருவர். இவரது ‘மேனகா’, ‘திகம்பர சாமியார்’, ‘மைனர் ராஜாமணி’, ‘பாலாமணி அல்லது பக்காத் திருடன்’, ‘வித்யாபதி’ போன்ற நாவல்கள் திரைப்படமாகவும் வந்து கவனம் பெற்றன. ஆயிரக்கணக்கான பக்கங்கள் எழுதிய இவர், 1942-ல் காலமானார்.