சு.சமுத்திரம் ஒரு சோஷியலிசவாதி. இவரது படைப்புகளில் சோஷியலிச கருத்துக்கள் பரவியிருக்கும். அடிமட்டத்து மக்களின் வாழ்க்கையும் அவர்கள் படும் துன்பங்களும் படைப்புகளின் முக்கியக் களமாக அமைந்தன. 1990ல் இவரது புதினம் `வேரில் பழுத்த பலா’ சாகித்ய அகாதமி விருது பெற்றது. அகில இந்திய வானொலியிலும் தூர்தர்ஷனினிலும் வேலை பார்த்தவர். 14 புதினங்கள், 4 குறுநாவல்கள், 2 கட்டுரைத் தொகுப்புகள், ஒரு நாடகம், 300க்கும் மேற்பட்ட சிறுகதைகள் எழுதியுள்ளார். இவரது சிறுகதைகள் 22 தொகுப்புகளாகப் பிரசுரிக்கப்பட்டுள்ளன. பல படைப்புகள் தெலுங்கு, மலையாளம் மற்றும் ஹிந்தி மொழிகளில் மொழிபெயர்க்கப்பட்டுள்ளன.