பெரும் புகழ்பெற்ற எழுத்தாளர்களுள் ஒருவரான பாலகுமாரன், தஞ்சாவூர் மாவட்டம் திருக்காட்டுப்பள்ளி அருகே உள்ள பழமார்நேரி என்னும் சிற்றூரில் பிறந்தவர். பதினொன்றாம் வகுப்பு வரை பயின்ற இவர், தட்டச்சும் சுருக்கெழுத்தும் கற்று தனியார் நிறுவனத்தில் 1969-ல் சுருக்கெழுத்தராகப் பணியாற்றத் தொடங்கினார். அவ்வாண்டிலேயே கவிதைகள் எழுதத் தொடங்கினார். பின்னர் இழுவை இயந்திரம் நிறுவனத்தில் உயர் அதிகாரியாகப் பணியாற்றினார். 150-க்கும் மேற்பட்ட நாவல்கள், 100-க்கும் மேற்பட்ட சிறுகதைகள் எழுதியுள்ளார். பல தமிழ்த் திரைப்படங்களுக்கு கதை, வசனகர்த்தாவாகவும் பங்களித்திருக்கிறார். திரைத் துறையில் பணியாற்றுவதற்காக அப்பணியைத் துறந்தார். பாலசந்தரின் குழுவில் மூன்று திரைப்படங்களிலும், கே.பாக்யராஜ் குழுவில் இணைந்து சில படங்களிலும் உதவி இயக்குநராகப் பணியாற்றினார். பின்னர், ‘இது நம்ம ஆளு’ திரைப்படத்தை கே.பாக்யராஜ் மேற்பார்வையில் இயக்கினார்.