திருவாரூர் மாவட்டம் கற்பகநாதர்குளம் தெற்கு எனும் கடலோரக் கிராமத்தில் பிறந்தவர் சு.தமிழ்ச்செல்வி. பெற்றோர் சுப்ரமணியம், முத்துலட்சுமி. தற்போது விருத்தாசலத்தில் வசிக்கும் இவர், அரசுப் பள்ளித் தலைமையாசிரியர். ‘மாணிக்கம்’, ‘அளம்’, ‘கீதாரி’, ‘கற்றாழை’, ‘ஆறுகாட்டுத்துறை’, ‘கண்ணகி’, ‘பொன்னாச்சரம்’, ‘தொப்புள் கொடி’ என எட்டு நாவல்களும், இரண்டு சிறுகதைத் தொகுப்புகளும் எழுதியுள்ளார். தமிழ் வளர்ச்சித் துறை விருது, ஸ்பேரோ விருது, த.மு.எ.க. சங்க விருது, கலைஞர் பொற்கிழி விருது, புதிய தலைமுறை நம்பிக்கை நட்சத்திரம் விருது, ஆனந்த விகடனின் அவள் விருது எனக் குறிப்பிடத்தகுந்த பல விருதுகளைப் பெற்றுள்ளார். கணவர் கவிஞர் கரிகாலன். சிந்து, சுடர் என இரு மகள்கள்; இருவரும் மருத்துவர்கள். மகன் கார்க்கி; சட்டம் பயில்கிறார்.