எழுத்தாளர், கவிஞர், இயக்குநர் எனப் பன்முகம் கொண்ட எஸ்.ராஜகுமாரன், திரைத்துறையில் உதவி இயக்குநராகப் பயிற்சி பெற்ற பின் தனியார் தொலைக்காட்சிகளில் நிகழ்ச்சித் தயாரிப்பாளராகவும், குறும்பட, ஆவணப்பட இயக்குனராகவும் புகழ் பெற்றவர். ‘மழை வாசனை’, ‘மேக வீடு’, ‘வண்ணத்துப் பூச்சிக்கு எந்த நிறம் பிடிக்கும்’, ‘நதியோடிய காலம்’, ‘27 இந்திய சித்தர்கள்’, ‘ஞானப்பூங்கோதை’, ‘மழை வரும்போது உன் ஞாபகம்’, ‘ஓமந்தூரார்-முதல்வர்களின் முதல்வர்’, ‘மலைவாழ் சித்தர்கள்’ ஆகியவை இவரது குறிப்பிடத் தகுந்த ஆக்கங்கள்.