க.நா.சு. என்று அறியப்படும் க.நா.சுப்ரமண்யம், தஞ்சை மாவட்டத்திலுள்ள சுவாமிமலையில் பிறந்தவர். தமிழ் இலக்கியத்தைச் செழுமைப்படுத்தும் நோக்கில் நூற்றுக்கணக்கான பக்கங்களை ஆங்கிலத்திலிருந்து தமிழுக்கு மொழிபெயர்த்துத் தந்தார். கதை, கவிதை, குறுநாவல், நாவல், கட்டுரை, நாடகம், மொழிபெயர்ப்பு, விமர்சனம், சிற்றிதழ் என்று எல்லாத் தளங்களிலும் காத்திரமாகப் பங்காற்றினார். அவர் ஒரு இலக்கிய இயக்கம் என்றே தமிழ் வாசகர்களால் கொண்டாடப்படுகிறார்.