தஞ்சாவூரில் பிறந்த ஜி.ஆர்.சுரேந்தர்நாத், தொடர்ச்சியான காதல் கதைகள் மூலமாகப் பரவலான வாசகர்களின் கவனத்தை ஈர்த்தவர். இருபது ஆண்டுகளுக்கும் மேலாக எழுதிவரும் இவரது எழுத்தில் காணப்படும் ரொமான்ஸ், நகைச்சுவைக்காகத் தனி வாசகர் கூட்டம் உண்டு. 125-க்கும் மேற்பட்ட சிறுகதைகள், 100-க்கும் மேற்பட்ட கட்டுரைகள், 9 நாவல்கள், ஒரு தொடர்கதை எழுதியிருக்கிறார். தமிழின் அனைத்து முன்னணி இதழ்களிலும் இவருடைய எழுத்துகள் பிரசுரமாகியுள்ளன. சிக்ஸ்த்சென்ஸ் பதிப்பக வெளியீடாக இவருடைய ஒன்பது சிறுகதைத் தொகுப்புகளும், நான்கு குறுநாவல் தொகுப்புகளும், ஐந்து கட்டுரைத் தொகுப்புகளும் வெளிவந்துள்ளன. பணி நிமித்தமாகத் தற்போது சென்னையில் வசிக்கிறார்.