தந்தை கைவிட்ட நிலையில் தன்னையும் தன் தாயையும் ஆதரித்த மாமா சோமசுந்தரத்தின் ஆதரவில் வளர்கிறாள் காயத்ரி. அவளுடைய தாய் இறந்த பின் மாமாவின் அக்கறை கூடுகிறது. தன் மனைவியின் எதிர்ப்பையும் மீறி கல்வி, திருமணம் என்று தன் அக்காவின் மகளான காயத்ரிக்கு சிறப்பான முறையில் செய்கிறார். இதற்கிடையில் அத்தை இறக்கிறாள். அதற்குக் காரணம் காயத்ரிதான் என்று சொந்தக்காரர்கள் திட்டுகிறார்கள். அவளை அடிக்கவும் முயல்கிறார்கள். தன் மனைவியை இழந்த நேரத்தில்கூட காயத்ரியை யாரும் நெருங்கவிடாமல் காக்கிறார். தன் கணவன் மற்றும் தன் மகளோடு வெளியூரில் வாழ்கிற காயத்ரி பெருந்தொற்றுக் காலத்தில் தன் மாமாவை நேரில் பார்க்க முடியாமல் படுகிற சிரமத்தை உணர்வுபூர்வமாகச் சொல்கிறது, இந்தச் சிறுகதை.