பூலோக விந்தை என்ற சமஸ்தானத்திற்கு, அந்த நாட்டு மன்னரால் புதிய திவான் ஒருவர் நியமிக்கப்படுகிறார். பதவியேற்றதும் அவர் விதித்த கட்டுப்பாடுகளால் மக்கள் பலரும் வேலைவாய்ப்பை இழக்கின்றனர். இதில் ஒரு சமையல்காரனும் பாதிக்கப்படுகிறான். இதனால் அவனது குடும்பம் பெரும் வறுமையை சந்திக்க நேரிடுகிறது. இந்நிலையில், தனக்குத் தெரிந்த சமையல் கலையை வைத்து குடும்ப வறுமையை சரிசெய்ய முயல்கிறான். அந்த ஊரில் உள்ள சிலர் அதற்கும் பாதிப்பை ஏற்படுத்துகின்றனர். தனக்கு நேர்ந்த இன்னல்களை சமஸ்தான திவானிடமும் மன்னரிடமும் முறையிடுகிறான். அவர்களிடம் சரியான பதில் கிடைக்கவில்லை. அவர்களுக்குப் பாடம் புகட்டும் விதமாக அதன் பிறகு அவன் செய்யும் தந்திரமான திட்டங்கள் என்ன என்பதுதான் இக்கதை.