தியாகராஜன் என்கிற தியாகு ஆங்கில இலக்கியப் பட்டப்படிப்பு, ஐ.ஏ.எஸ் தேர்ச்சி, அயல்நாடுகளில் பணி என சாதனை புரிந்து வருகிறான். மிகச் சிறந்த அறிவாளியான அவன், ஒருமுறை யுகோஸ்லாவியாவில் இருக்கும்போது ஓட்டிச்சென்ற கார் விபத்துக்குள்ளாகிறது. அதன் பின், அவனது நடைமுறை, சுபாவம் உள்ளிட்டவை மாறுகின்றன. உறவினர்கள் அவனைப் பைத்தியமாக எண்ணத் தொடங்கினர். இப்படியான தியாகுவின் வாழ்க்கை ஒரு கட்டத்துக்கு மேல் என்னவாகிறது என்பதுதான் கதை. மேலும், மனநல பாதிப்பு, பைத்தியம் என்கிற நிலையை எதிர்கொள்ளும் மனிதர்கள் பற்றியும் நாவல் பிரதிபலிக்கிறது.