பரசுராமபரவா என்னும் மகாராஷ்டிர சீமானின் ஜெமீன் சமஸ்தானத்தில் பவானியம்மாள்புரம் என்கிற ஓர் ஊர் உள்ளது. அவ்வூரில் தாய் தந்தையை இழந்த மல்லிகா அவளது அப்பாவின் நண்பரான துக்கோஜிராவின் ஆதரவில் வாழ்ந்து வருகிறாள். இந்நிலையில், ஜெமீன் இறந்ததும் வஸந்தராம் சமஸ்தானத்தின் பொறுப்பை ஏற்கிறான். அவனோ, மல்லிகாவின் பேரழகில் மனதைப் பறிகொடுக்கிறான். அவளும் அவனை மணந்து கொள்ளச் சம்மதிக்கிறாள். இந்த ரகசியத்தை அறிந்துகொண்ட துக்கோஜிராவ் தன் இரு மகள்கள் இருக்க வஸந்தராம் எப்படி மல்லிகாவை மணம் முடிக்கலாம் என திட்டமிட்டு அவளை கொழும்புக்கு அனுப்பத் தீர்மானிக்கிறார். இந்த விஷயம் வஸந்தராமுக்கு தெரிந்ததும் யாருக்கும் தெரியாமல் மல்லிகாவை அழைத்துக் கொண்டு தஞ்சாவூருக்கு வந்துவிடுகிறான். வஸந்தராமை நம்பி வீட்டைவிட்டு வெளியேறிய மல்லிகா அதன்பிறகு சந்திக்கும் பிரச்சினைகள் என்ன என்பதுதான் இந்நாவல்.