சிறுகதை, நாவல், கவிதை, கட்டுரை, மொழிபெயர்ப்பு, சினிமாப் பாடல்கள் எனப் பல தளங்களில் இயங்கிவரும் தமயந்தி, திருநெல்வேலியைச் சேர்ந்தவர். ஆரம்பத்தில், வானொலித் தொகுப்பாளராகவும் நிகழ்ச்சித் தயாரிப்பாளராகவும் திருநெல்வேலியில் பணியாற்றிவந்தார். திரைப் பணி காரணமாக இப்போது சென்னையில் வசிக்கிறார். ஆங்கில இலக்கியம் பயின்றவர். ‘கொன்றோம் அரசியை’, ‘சாம்பல் கிண்ணம்’ இரண்டும் இவருடைய முக்கியமான சிறுகதைத் தொகுப்புகள். பெண்ணெழுத்துகளில் இவருடைய காத்திரமான பங்களிப்புக்காக ‘இந்து தமிழ்’ நாளிதழ் இவருக்கு பாரதி விருது வழங்கி கௌரவித்தது.