தமிழைத் தாய்மொழியாகக் கொண்ட கனகராஜ் பாலசுப்பிரமணியம், கர்நாடகத்தில் பிறந்து வளர்ந்தவர். கன்னடத்தில் கதைகள், கட்டுரைகள் எழுதிக்கொண்டிருக்கும் இவர் தற்போது தமிழிலும் எழுதிவருகிறார். இவருடைய கன்னடக் கதைகள் ‘வாட்டர்மெலன்’ என்கிற தலைப்பில் தமிழில் வந்துள்ளது. ‘பாலைவனத்தின் ஐந்தாம் சுவர்’ குறுநாவலும் வெளியாகியுள்ளது. ‘கணையாழி’ நடத்திய குறுநாடகப் போட்டியில் இவரது ‘நில நகம்’ சிறந்த நாடகமாகத் தேர்ந்தெடுக்கப்பட்டுள்ளது. ‘ஸீரோ டிகிரி’ பதிப்பகம் நடத்திய நாவல் போட்டியில் இவருடைய ‘அல் கொஸாமா’ முதல் பரிசை வென்றது. கன்னடத்தில் இரண்டு சிறுகதைத் தொகுப்புகளைக் கொண்டுவந்துள்ள இவர், ‘யூ.ஆர்.அனந்தமூர்த்தி கதா’ விருதைப் பெற்றுள்ளார். பெங்களூரில் தொடங்கி மாலத்தீவு, லிபியா நாடுகளில் பேராசிரியராகப் பணியாற்றியவர், தற்போது சவுதி அரேபியாவின் பல்கலைகழகமொன்றில் ஆங்கில இலக்கியம் கற்பித்துவருகிறார்.