மதுரையைச் சேர்ந்த ஆர்னிகா நாசர், முதுகலை சமூகவியல் பட்டம், இளம் முனைவர் சமூகவியல் பட்டம், முதுகலை மருத்துவ மேலாண்மை நிர்வாகம் பட்டம், முதுகலை மனநல ஆலோசனை பட்டயப்படிப்பு, முதுகலை குற்றவியல் தடய அறிவியல் பட்டயப்படிப்பு, யுஜிசி நெட் தேர்ச்சி, இவற்றோடு ஐந்துக்கும் மேற்பட்ட பட்ட படிப்புகள் முடித்திருக்கிறார். அண்ணாமலை பல்கலைக்கழகத்தில் சுகாதார அதிகாரியாகப் பணியாற்றி ஓய்வுபெற்றவர். 800 சமூகச் சிறுகதைகள், 200 அரசியல் நையாண்டிச் சிறுகதைகள், 200 விஞ்ஞானச் சிறுகதைகள், 160 நாவல்கள், 50 தொடர்கதைகள், 10 வானொலி நாடகங்கள், நூற்றுக்கும் மேற்பட்ட தொகுப்புகள், ஒரு டிவி சீரியல், ஒரு மொழிபெயர்ப்புத் தொடர், 450 திருக்குர்ஆன் நீதிக்கதைகள் என இவருடைய பங்களிப்பு நீள்கிறது.